Цогт хун тайж эх Чин Тайху Тайгалын хамт 1601-1617 онд байгуулсан. Туулын цагаан байшин хэмээх номын өргөө-орд харш Дашинчилэн сумын нутагт Туул голын баруун талд байдаг. Энэ ордны дэргэдэх гэрэлт чулуун хөшөөнд (Монгол, түвд бичгээр) сэтгэшгүй чандмани сүмээс эхлэн 6 сүмийг төмөр үхэр жилээс гал могой жил хүртэл Монгол дархчууд барьж байгуулсан тухай сийлэн бичжээ. Шаазан вааран дээвэртэй, Туул голоос ус татдаг суваг хоолойтой байжээ. 1971 онд улсын хамгаалалтад авсан.