Монгол Улсын Ерөнхий сайдын ивээл дор жил бүр уламжлал болгон зохион байгуулагддаг "Монгол улсын Иргэний андгай өргөх ёслолын арга хэмжээ" 2023 оны 11-р сарын 24-ний өдөр зохион байгуулагдлаа.

Иргэний үнэмлэх анх удаа авч буй иргэдийн эх оронч, хүмүүнлэг үзлийг төлөвшүүлэх зорилгоор зохион байгуулагддаг энэ удаагийн арга хэмжээнд нийт 16 сурагч оролцсон ба сумын Засаг дарга Д.Луттөмөр уг үйл ажиллагааг нээн хүүхдүүдэд мэндчилгээ дэвшүүллээ. Сумын ЗДТГ-аас андгайн арга хэмжээнд оролцогчдод баяр хүргэж, гарын бэлэг гардууллаа.

Мөн арга хэмжээний үеэр АХА тэмцээнийг зохион байгуулж, тэмцээнд 11а ангийн сурагч А.Эрдэнэхүү, Б.Отгондэлгэр, Д.Номин-Эрдэнэ нар оюун ухаан, авхаалж самбаагаараа бусдыгаа хошуучлан 1, 2, 3-р байрыг эзэлсэн байна.