Сумын удирдлагууд, байгууллагын дарга, эрхлэгч нар, төрийн албан хаагчдыг хамарсан өргөтгөсөн шуурхай хурлыг зохион байгууллаа. Тус хурлаар: • Сумын 2025 оны үйл ажиллагаанд хийсэн хяналт-шинжилгээ, үнэлгээний дүнгийн талаар • Аймгийн Засаг дарга, сумын Засаг дарга нарын 2026 онд хамтран ажиллах гэрээний талаар • Аймгийн Татварын хэлтэс, Санхүү, аудитын газар, Орон нутгийн өмчийн газар, Төрийн захиргаа, удирдлагын хэлтэс, Нийгмийн бодлогын хэлтэс, Бүс, орон нутгийн хөгжлийн хөрөнгө оруулалт, бодлогын хэлтсүүдээс өгсөн мэдээллийг төрийн албан хаагчдад танилцуулах • Засгийн газар, аймаг, сумын Засаг даргын үйл ажиллагааны хөтөлбөр, дэд хөтөлбөрүүд, хамтран ажиллах гэрээний хэрэгжилтийг хангуулах ажлыг зохион байгуулах талаар үүрэг даалгаварыг өглөө.

Аймгийн Засаг даргын 2024–2028 онд хэрэгжүүлж буй “Булганы сэргэлт” үйл ажиллагааны хөтөлбөрийн хүрээнд Засаг даргын нэрэмжит тэтгэлэгт хөтөлбөрт шалгарсан сурагчид Бүгд Найрамдах Солонгос улсад суралцахаар зорилоо. Тус сумын Сүү багийн Б.Отгондэлгэрт тэтгэлэгт хамрагдлаа.

Наран хороонд байрлалтай ундны усны худгийн шүүлтүүрийг солих ажлыг ОНХС-ийн 4,2 сая төгрөгийн хөрөнгөөр “Ирмүүн бармат” ХХК хийж гүйцэтгэлээ.

Тус суманд Азийн хөгжлийн банкны 5,6 тэрбум төгрөгийн хөрөнгө оруулалтаар баригдаж буй Эрүүл мэндийн төвийн барилгад 2025 оны 10 дугаар сарын 15-ны өдөр Булган аймгийн Газрын харилцаа, барилга хот байгуулалтын газрын Барилга хот байгуулалтын хэлтсийн дарга Б.Ганзоригоор ахлуулсан улсын комисс ажиллаж, барилгыг хүлээн авлаа.

АХМАДУУДДАА ХҮНДЭТГЭЛ ҮЗҮҮЛЛЭЭ

ТӨРИЙН ЖИНХЭНЭ АЛБАН ХААГЧДЫН 2024 ОНЫ ЖИЛИЙН ЭСИЙН ГҮЙЦЭТГЭЛИЙН ҮНЭЛГЭЭГ МЭДЭЭЛЭХ ХУУДАС

ЗАСАГ ДАРГЫН ТАМГЫН ГАЗРЫН ТӨРИЙН ЖИНХЭНЭ АЛБАН ХААГЧДЫН 2024 ОНЫ ЖИЛИЙН ЭЦСИЙН ГҮЙЦЭТГЭЛИЙН ҮНЭЛГЭЭГ МЭДЭЭЛЭХ ХУУДАС

Тулгар төрийн 2234, Их Монгол Улс байгуулагдсаны 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104, Дашинчилэн сум байгуулагдсаны 101 жилийн ой, Үндэсний их баяр наадмын нээлтийн үйл ажиллагаа боллоо. Нээлтийн үйл ажиллагааг Дашинчилэн сумын ИТХ-ын дарга Ж.Булгантамир, Засаг дарга С.Мэнд-Амар нар нээж, наадамчин олонд баяр наадмын мэндчилгээ дэвшүүллээ. Баяр наадмын мөнх хөх тэнгэртээ МУ-ынхаа төрийн далбааг МУ-ын Хөдөлмөрийн баатар Д.Бадгай, МУ-ын гавьяат тамирчин, МУ-ын заан Д.Амгаа, МУ-ын аварга малчин Б.Мөнхбат, Д.Лувсандагва, Самбо бөхийн дэлхийн аварга шалгаруулах тэмцээний мөнгөн медальт, модон барилдааны дэлхийн аварга шалгаруулах тэмцээний мөнгөн медальт, Ази тивийн мөнгө, хүрэл медальт, Европ тивийн мөнгөн медальт, МУ-ын хошой аварга тамирчин Э.Орхонтамир нар мандууллаа. Нээлтийн үйл ажиллагаанд МУСТА Б.Мэндбаяр, МУСТА Л.Нарантуяа, МУСТА Н.Мөнгөншагай, Хилийн цэргийн дуу бүжгийн чуулгын “Хилчин” хамтлаг болон Дашинчилэн сумын иргэд, уран сайханчид, Соёлын төвийн дэргэдэх дуу, бүжгийн дугуйлангийн сурагчид оролцож ая дуугаа өргөж, мэндчилгээ дэвшүүллээ. ДЭЛХИЙД ГАНЦХАН МОНГОЛ НААДАМДАА ДЭНЖ ХОТОЙТОЛ САЙХАН НААДААРАЙ.

2025.06.07-ны өдөр Булган аймгийн Урд бүсийн үндэсний Шагайн харвааны аварга шалгаруулах тэмцээн болж өндөрлөлөө. Дашинчилэн сумын харваач Б.Мөнгөнсар Аймгийн гоц мэргэний үнэмлэх тэмдгээ гардан авлаа. Тус тэмцээний Цуваа харваанд 1. Н.Гаваашийрэв ( Рашаант сум ) 2. Н.Намхай ( Гурванбулаг сум ) 3. Ч.Гансүх ( Баяннуур сум ) нар шалгарлаа. Багийн харваанд 1. Хүрэлчулуун ахлагчтай Сансар баг ( Рашаант сум) 2. Шижирболд ахлагчтай Баяннуур баг ( Баяннуур сум) 3. Энхболд ахлагчтай Цэгц баг тус тус шалгарлаа. Нийт харваачиддаа цаашдын тэмцээн уралдаанд нь амжилт хүсье.

Сумын Засаг Даргын 2025 оны 06 сарын 13-ны өдрийн “Зээл олгох тухай” А/141 дугаар захирамжаар "Стандарт хадгалалт, хөргүүртэй зоорь" болон "Бүтээгдэхүүн худалдаалах уут, сав баглаа, боодол, шошго үйлдвэрлэл" чиглэлээр Адуун толгой хошуу, Ламын бууцын хүрээ хоршоодод нийт 70 сая төгрөгийн хөнгөлөлтэй зээл олгосон байна.

2025 оны 05 дугаар сарын 29-ний өдөр Хоршоо хөгжүүлэх сангийн хяналтын зөвлөл Лах багийн малчин Г.Шижирбаатарын “Аялал жуулчлал”-ын үйл ажиллагаатай танилцлаа. Малчин Г.Шижирбаатарын гэр бүл нь жуулчдыг хүлээн авч, морин үзүүлбэр үзүүлэн, малчдын ахуй соёлыг сурталчлан ажиллаж байна. Жилд 200 гаруй жуулчин хүлээн авахаар “Nomad planet” ХХК-тай гэрээ байгуулсан байна.

Монгол улсын анхны шигшээ багийн тамирчин Аймгийн заан, Чөлөөт бөхийн олон улсын хэмжээний мастер Б.Даваадорж агсны нэрэмжит “Үндэсний бөх”-ийн өсвөрийн барилдаан 2025 оны 06 дугаар сарын 01-ний өдөр зохион байгуулагдаж нийт 32 бөх барилдсанаас 11б ангийн сурагч З.Энэрэлт түрүүлж, 12а ангийн сурагч А. Эрдэнэхүү үзүүрлэн, 10б ангийн сурагч Г.Гантулга, 12а ангийн сурагч А. Бишрэлт нар шөвгөрлөө.

"Олон улсын хүүхдийн эрхийг хамгаалах өдөр"-ийг тохиолдуулан зохион байгуулсан "Унадаг дугуйн" уралдаан амжилттай болж өндөрлөлөө. Унадаг дугуйн уралдаанд 3 насны төрөлд 31-н хүүхэд оролцож, хүрд хүчээ сорин уралдсанаас: